★ 7℃ の 汽水☆

仲有大概10日吧，就自己生日了，今年仲未谂好点过，想去个旅行，但又怕临时临急搵唔到人陪~

上年嘅生日，我已经有D模糊，嗰日搵翻D相，发觉原来我地好多相都系响09年影的，10年嘅相几乎无……10年发生咗太多事，又好似咩都无留底一样，好奇怪嘅感觉~

上星期去影嘅艺术相只有好少嘅花絮，当日就已经拣好相了，10月4日就又相罗，不过嗰阵放ing假，唔知罗唔罗到，仲记得10年嘅时候，喺你陪我去拣相的~但今次，我只有自己去了……

对了，今日见到你微博嘅歌词，如果你都会咁谂，咁几好呢~

今年嘅生日其实真系有一个愿望，希望过一个有意义有纪念价值嘅生日，28岁了，曾经我细个就话要28岁结婚，不过依个心愿睇怕都无乜机会实现啦，哈哈~

贴个花絮先~唔知有无人睇到~？！

插话：猫猫离开我已经有3日了~当初以为接距返屋K距就会慢慢好起身，可惜，最后距都系撑唔住~最近，又有嗰种想一个人独自出走既心情，好似嗰次去医院睇完嫲嫲甘……其实过年嗰段时间好难过，见到嫲嫲甘样离开，可以算一种折磨，系一种心酸，系一种无奈，更系一种无力~屋K只猫，我有努力过，劝过不能放弃距，我以为距听到我心声，终于系最后一刻又活过来了，但到最后都系要送你走……

好想依个时候可以有个人陪住我过，系我身边轻轻抱住我讲一声：唔怕，有我……

最近，有一个傻傻既谂法，但却令我有种开心既期待，虽然我知道，就算我做咗，都系唔会有咩回应又或者有咩改变，不过，人总喜欢傻瓜一下，只计付出，不求回报，早过了这样的年纪，但偶尔甘做，反而令自己有种开心既感觉，或者，我享受紧既只系自己欺骗自己既快乐，但无论如何，依种都系一种快乐，虽然我唔可以厄自己一世……

不过话甘做，实际都需要一段时间整理计划，希望依件事完咗之后，自己真系可以将过去都收藏好，将心变得平静，不再计较得失输赢，不再计较爱与不爱，可以重新出发，去开始新一段路，无论过去如何……

仲记得系微博见到嗰个故事：有个男仔，中意咗个女仔，向距表白，个女仔话“只要你可以连续100晚系我阳台外出现，我就答应你既追求”，男仔果然每晚都系女仔阳台外出现，99晚过去了，第100晚，男仔并无出现……故事讲，我愿意为你付出，但我希望既系，如果我地之间有100步既距离，我行出咗99步，你会行出1步吗？！

好多时候，好多感情，就因为如此擦身而过……好多时候，我地都需要感恩，但依样野我觉得系2个人相处中最难做到的，因为每个人都只记得自己的付出，对方付出得越多，自己就越习惯，然后，变成习惯去接受对方对自己既好，唔再认为嗰种系一种付出……久而久之，会觉得自己付出好多，但对方依然不满足，实际，大家都变得贪心了，都忘记了要感谢对方为自己付出！

做依件事，我真系唔求有咩结果，有咩回报，或者我既付出，系某D人眼中，一文不值，但我觉得今次，我并唔系仅仅为对方而做！就算对方唔明白我既用心，甚至距未必会接受我既好意，但我做咗，即使不为距，都为自己，唔为结果，但算系一个小目标，一个小愿望，我希望为距做既一件事，而我做到咗，相信到做到嗰日，我会好有满足感，有依种满足感，我相信就系我既最大收获~

寻日同静怡去影艺术相，好耐无试过玩得咁开心~

有影可爱嘅都有搞笑嘅~影完相，去做咗个推波，哈哈~之后同距仲有RAY去黄沙食海鲜……充实而忙绿嘅一个周末……

静怡同吖RAY之前闹分手，依家又好了，其实有时都有D羡慕静怡，虽然，我都希望距可以早D逃出依个困局，但起码每次距想放弃了，吖RAY都会不断咁挽留，好似今次咁，知道事态严重就即刻从上海飞返广州ku煲，所以，我明白点解静怡咁难放弃，有时女人真的很心软~女人其实都好傻

距地两个已经一拖再拖了，本来今年静怡生日嘅时候就应该有个决定，4月底喺距生日，嗰时，吖RAY话距已经同距老婆讲好要离婚，距老婆亦都同意咗，就等倾好D离婚嘅赔偿，财产分配之类嘅事情，需要时间去处理，所以又推到话7月喺dead line，结果到咗7月，吖RAY老婆又话无论如何都唔肯离婚，嗰次，吖RAY又话，要推到中秋，无论如何都会俾个答案静怡，无论得与唔得……我当然唔睇好，但我又可以讲D咩？！我自己都深陷沼泽……

我同静怡讲，我真喺唔知自己执着紧D咩？！你已经一步一步行远，我企喺原地等咩？唔甘心？我应该唔甘心咩？当日嘅决定我知道，喺无奈，就算唔系嗰日开口，始终我有挨唔住嘅一日……静怡都话，其实距都唔想我甘辛苦，距话，即使有一日我地真系复合，距都唔觉得你会为我改变，我都认同……的确，我明白，你喺你，你最爱依然喺，一直喺你自己，我又可以如何？我曾经多么努力想去改变你，其实我一直知道，改变喺无可能的……但我总唔愿意接受事实，直到嗰日，不知道哪来的勇气，将深埋已久嘅话统统讲出口，将一直压抑嘅心情全部发泄出嚟！我知道，对你嚟讲，我已成为过去，对你嚟讲，你放不开嘅，只喺逝去嘅感情，而唔系我依个人，有时觉得自己有自虐嘅喜好，有时心痛嘅时候我居然笑了，嗰种矛盾嘅心情我谂无人明白……

发现，写blog成为一种发泄，好多话，只能对自己讲，于是，我留下文字去怀念你，去怀念自己嘅傻……